Bugu da kari, Hukumar shirya jarabawar ta kasa ta sanar da sake sauya takardun da aka shirya yi don ranar Alhamis, Juma’a da Asabar, suna mai danganta hakan da wasu abubuwan da suka fi karfinsu.
Wannan zai zama karo na biyu da NECO za ta sake sauya jarabawar a wannan makon, na farko shi ne ranar Lahadi.
Kungiyar ta ce yanzu za a tsara takardun da abin ya shafa a ranakun 17, 18 ga Nuwamba na 2020, yayin da za a samar da jadawalin takardun a gaba.
Shugaban sashen yada labarai da hulda da jama’a na NECO, Azeez Sani, ya sanar da hakan a cikin wata sanarwa a yammacin Laraba
Ya ce, "Wannan shi ne sanar da jama'a da kuma musamman 'yan neman zana jarabawar cewa NECO ta kasance cikin wani yanayi da ya fi karfin ta, don sake tsara jadawalin takardun da ake nufi don Alhamis 22 Oktoba 2020, Juma'a 23 Oktoba 2020 da Asabar 24 Oktoba 2020.
“Yanzu haka an tsara takardun da abin ya shafa a ranar 17 ga Nuwamba, 18 da 19 2020. Za a gabatar da jadawalin lokacin jarrabawar wadannan takardu a gaba.
“Wadannan canje-canjen sun faru ne saboda kalubalen tsaro, wanda ya haifar da sanya dokar hana fita da rufe makarantun da wasu gwamnatocin jihohi suka yi, domin kiyaye rayuka da dukiyoyi. A halin da ake ciki, ya zama da wahala majalisa ta kwashe kayan jarabawa a duk fadin kasar.
“Majalisar tana addu'ar cewa a ci gaba da jarabawar a ranar Talata 27 ga Oktoba 2020, komai ya zama daidai, tare da takardu kamar yadda aka tsara tun farko a jadawalin lokacin jarabawa. Duk wata damuwa da aka samu an yi nadama matuka. ”