Afghanistan: An Bude Tattaunawa Ta Kai Tsaye Tsakanin Taliban Da Gwamnati

A Yau Laraba ne tawagar Taliban ta isa birnin Kabul a karon farko da aka kifar da gwamnatinta a 2001 domin haduwa da gwamnatin kasar.

(ROHOTON ABNA24.com) Kakakin majalisar koli ta tsaron kasar Afghanistan Jawid Faisal ya rubuta a shafinsa na; Twitter cewa; Gwamnati ta karbi bakuncin tawagar ta Taliban inda aka bude tattaunawar kai tsaye akan musayar fursunoni.

Jawid ta kara da cewa; wakilan kungiyar agaji ta “Red Cross” ta halarci tattaunawar ta yau.

A nashi gefen, kakakin kungiyar Taliban Zabihullah Mujahid ya ce; Tawagar tasu ta tattauna da jami’an gwamnati akan hanyoyin musayar fursunoni.

Batun sakin fursunoni yana cikin yarjejeniyar da aka kulla a tsakanin Taliban da gwamnatin Amurka, wacce kasar Qatar ta shiga tsakani