A Yau Alhamis 6/Feb/2020 aka koma Haramtacciyar babbar kotun jihar Kaduna don ci gaba da shari'ar Malam Zakzaky ta iyalinsa Malama Zeenat.
Daga --Idishia Jos
Lauyoyin gwamnati karkashin jagorancin DPP Bayero Dari da Kuma Lauyoyin Malam karkashin jagorancin Femi Falana SAN duk sun halara a kotu. Aka jira fitowar alkali daga Chamber.
Kamar kullum AU Tumburkai ne zai kawo muku abubuwar da za su gudanar kai tsaye. Alkali ya shigo kotu. An kira kes. Lauyoyi sun gabatar da kansu. Malam da Malama ba su sami zuwa kotu ba. Malam ne ya nemi hakan da kansa Kuma kotu ta amince. Za a ci gaba da shari'ar ba tare da sai sun zo kotu.
Falana ya bayyana wa kotu cewa wadanda yake kare wa suna fama da rashin lafiya. Ya ce wanda ya ke karewa na biyu (Malama Zeenat) ba ta iya tafiya sai da sanda. Don haka ya nemi kotu nemi kotu a baya da ta amince su yi zamansu a inda ake tsare da su. Don haka ya nemi kotu ta bashi dama ya gabatar da takardar hakan a gabanta.
Amma lauya Bayero Dari ya ce lallai an yi hakan a baya Amma bai yi zaton ana nufin su ci gaba da zama a gida bane har a kammala shari'ar. Don haka ya kalubalanci wannan shiri. Don haka Dari ya nemi kotu ta da matsa wa wadanda ake Kara da su rinka bayyana a gaban kotu duk ranar shari'a.
Ya ce yin hakan na da matukar Muhimmancin idan aka yi la'akari da laifin da ake tuhumarsu da aikatawa.
Amma Falana bai amince da wannan ba. Ya ce wadannan bayin Allah shi kansa Dari ya amince cewa zarginsu ake yi. Kuma ya kawo sashe na 148/2 na tsarin mulkin Nijeriya. Don haka ya nemi kotu da ta amince da rokonsu musamman saboda rashin lafiya da wadanda ake kara suke fama da ita.
Alkali ya ce a zaman da aka yi na karshe masu gabatar da kara sun gabatar da sabon caji kan wadanda ake kara. Don haka ya bayyana cewa ba za a ci gaba da maganar ba har sai an karanta wa wadanda ake kara wannan sabuwar tuhumar. Sun ji ta. Sai Falana ya ce to ai dole a mika musu takardar kafin lokacin da za a karanta musu.
Lauyan Gwamnati, Bayero Dari ya ce ya mika musu, Falana ya ce bai yi haka ba. Musu ya kaure a tsakaninsu. Daga baya alkali ya tambayi Rajistara ta kotu ko akwai wata shaidar cewa an mi kawa wadanda ake kara sabuwar tuhumar? Ta ce babu.
Bayero Dari ya gabatar da wata takarda da ke dauke da sunayen wadanda ake kara mutum biyu da Kuma wadanda ake kara amma ana sun boye ba a gansu ba.
Amma Falana ya nuna rashin amincewar sa wannan takardar yace sauran mutane biyu din ya kamata a ciresu daga cikin takardar domin ba su yake karewa ba. Alkali ya bayyana cewa shi ba shi da matsala da wannan. Domin ko an kammala kes din ba wani shaida a kan su. Saboda ba da su aka yi shari'ar ba.
Alkali ya tambayi Falana ko wadanda ake kara za su iya bayyana a gaban kotu gobe don a karanta musu sabuwar tuhumar?
Falana SAN ya bayyana cewa dole ne su shirya zuwa kotu. Domin kullum suna fama da jiki. Don haka ba zai yiwu su zo kotu gobe ba.
Don haka ya ne kotu ta amince da ranar 24 da 25 ga wannan wata don zuwansu kotu a karanta musu tuhumar. Daga nan sai su koma a ci gaba da shari'ar a bayan idonsu. Kotu ta amince da ranakun 24 da 25 ga February don ci gaba da shari'ar.
Femi Falana SAN ya nemi kotu da ta ba da oda ga jami'an gidan yari cewa su ba likitocin Malam damar ganinsa.
Ya ce likitan gidan yari ya ce ciwon su Malam da Malama ya fi karfinsa. Kuma ba za su iya barin wani Likita ya zo daga waje ba sai da umarnin kotu. Ya ce har Abuja ya ce Amma sun ki amincewa.
Don haka ya nemi kotu ta ba su oda likitocin Malam su zo su duba su. Lauyan gwamnati ya amince da wannan bukatar. Don haka kotu ta bauwa jami'an gidan yari umarnin barin likitocin Malam su rinka zuwa gidan yari don duba su.
Muna rokon Allah ya ba Sheikh Zakzaky (H) lafiya, Ubangiji ya kwato mana shi daga Hannun azzalumai.
Daga Shafin Ma'asumah Nigerian News Updates.
Tags:
Labaran Duniya